Təkcə Rusiya deyil, bəzi digər ölkələr də Ukraynanın ballistik raketləri ələ keçirə biləcək zenit-raket kompleksi yaratmasını istəmir.

Axar.az xəbər verir ki, bunu Ukrayna Prezidenti Vladimir Zelenski deyib.

“Ukrayna ballistikasını təkcə Rusiya istəmir. Rusiya – məlum səbəblərə görə, amma təkcə Rusiya deyil, digər ölkələr də istəmir. Səbəblər biznesdə, rəqabətdədir”, - o qeyd edib.

Dövlət başçısı bildirib ki, hazırda Ukrayna Avropa antiballistik sisteminin yaradılması ideyasını irəli aparmağa çalışır. Onun sözlərinə görə, İsveç bu təklifə razılıq verən ilk ölkə olub.

Zelenski əlavə edib ki, Ukrayna payıza qədər layihəyə daha bir neçə ölkəni cəlb etməyə və antiballistik sistemin yaradılması üzrə praktiki işlərə başlamağa ümid edir.

Qeyd olunub ki, hazırda dünyada yalnız altı ölkə müasir ballistik raketləri ələ keçirə bilən öz zenit-raket komplekslərinə malikdir.