Ermənistanda seçki qanunvericiliyini pozmaqda şübhəli bilinən 14 vətəndaş saxlanılıb.

Axar.az xəbər verir ki, bu barədə Ermənistan Daxili İşlər Nazirliyinin mətbuat xidmətinin verdiyi məlumatda deyilir.

Bildirilib ki, saat 17:00-a olan məlumata görə, Daxili İşlər Nazirliyinin əməliyyat mərkəzinin 112 nömrəsinə və 87-67 qaynar xəttinə 57 məlumat daxil olub.

Qeyd edilib ki, təkrar səsvermə ilə bağlı 19, səsvermənin gizliliyinin pozulması ilə bağlı 15, seçki hüquqlarının həyata keçirilməsinə mane olan iki, rüşvət və seçki məntəqəsində soyuq silah gəzdirmə ilə bağlı hər birindən bir fakt qeydə alınıb.

Bu işlər üzrə tərtib edilmiş materiallar ilkin istintaq orqanlarına göndərilib.

Nazirlik əlavə edib ki, iddia edilən pozuntularla bağlı 198 məlumat araşdırılır.