SEPAH-ın Qüds Qüvvələrinin komandiri İsmayıl Qaani son zamanlar İsrailə qarşı çoxsaylı təhdidlər irəli sürüb.

Axar.az xəbər verir ki, bunu İsrailin müdafiə naziri İsrail Katz X hesabında farsca yazıb.

“Görünür, “casus” obrazı bu gülünc təhdidlərdən daha çox ona yaraşıb. Hər iki halda da İran İsrailə hücum edərsə, bu, onun indiyə qədərki ən böyük səhvi olacaq. Burada nə Hörmüz, nə də əhaliyə atəş açmaq kömək edəcək. Heç nə bizi dayandıra bilməz. İsrail ordusu işi başa çatdırmağa hazırdır!" - nazir bildirib.

Qeyd edək ki, daha əvvəl İ.Qaani açıqlamasında İsraili hədələyib. Bildirib ki, İsrail Livanın cənubundan çıxmasa, məğlubiyyətlə üzləşəcək.