Ukrayna Pilotsuz Sistemlər Qüvvələri Kerç bərə keçidinin 75%-ni sıradan çıxarıb.

Axar.az xəbər verir ki, bu barədə Ukrayna Pilotsuz Sistemlər Qüvvələrinin komandanı Robert Brovdi (Madyar) məlumat yayıb.

“Əməliyyatdan əvvəl keçidə beş bərə xidmət göstərirdi. İndi onlardan ikisi – “Yeysk və “SKS One” tamamilə məhv edilib. Digəri isə, “Mariya” sıradan çıxıb və yenidən xidmətə başlamayacaq.

Zərbələrdən sonra “Lavrenti” və “Panagia” bərələri yalnız qoşqulu barjalar kimi istifadə olunur ki, bu da onların imkanlarını yarıya qədər azaldır”, - Madyar bildirib.

Onun sözlərinə görə, zərbələrdən əvvəl bərələr gündə 180-250 nəqliyyat vasitəsi daşıya bilirdi və nəqliyyatın təxminən 80%-i Rusiya Müdafiə Nazirliyinə məxsus idi.