2026-cı il Dünya Kuboku finalının fasiləsində bir çox məşhur ulduz ifaçının iştirak etdiyi şou baş tutub. Fasilə cəmi 27 dəqiqə davam edib.

Axar.az xəbər verir ki, şou Madonnanın ifa etdiyi "Music Inferno" mahnısının klipi ilə başlayıb. Çıxışı zamanı o, braziliyalı dünya çempionları Ronaldinyo və Ronaldo ilə birlikdə maşında hərəkət edib. Çıxışlarının sonunda hər üçü tribunanın altından meydana çıxıb və estafeti digər ifaçılara ötürüb.

Daha sonra növbə venesuelalı dirijor Qustavo Dudamelə çatıb. O, “Seven Nation Army" hitini ifa edən orkestrə rəhbərlik edib.

Bunun ardınca Cənubi Koreyanın məşhur qrupu BTS "Dynamite" mahnısını səsləndirib.

Şou kolumbiyalı müğənni Şakiranın çıxışı ilə başa çatıb.