İslam İnqilabı Keşikçiləri Korpusuna (SEPAH) yaxınlığı ilə tanınan “Cavan” qəzeti İranın xarici işlər naziri Abbas Arakçının son müsahibəsini tənqid edib.

Axar.az xəbər verir ki, bu barədə İran mediası məlumat yayıb.

Nəşr yazıb ki, Arakçının İranın ali lideri Müctəba Xameneinin mümkün hədəfə alınması ilə bağlı ssenarilər, həmin gün baş verən hadisələrin təfərrüatı və Xamenei ilə əlaqə saxlamadığı barədə açıqlamalar verməsi doğru deyil:

”Bu cür məlumatlar ictimai şəkildə açıqlanmamalı idi. Gələcək müsahibələrdə qalan tunellərin və hərbi bazaların ünvanlarını özünüzdə saxlayın, mühüm hadisələrin təfərrüatını təsvir edərkən isə daha təmkinli olun. Milli təhlükəsizlik, ictimai etimad və xalqın maraqları media diqqəti naminə ikinci plana keçirilməməlidir”, - nəşr vurğulayıb.