Rəsmi Tehranın Ukraynanın Xəzər dənizində İran gəmisinə hücumuna görə Kiyevlə qarşıdurmaya getməsi səhv addım olar. Kiyevlə gərginliyin həlli üçün düzgün yol düşünülməlidir.

Axar.az xəbər verir ki, bu barədə İranın nüfuzlu “Cümhur-i İslami” qəzetində dərc edilən məqalədə bildirilib.

“Əgər Tehran Ukraynanın İran gəmisinə hücumu ilə bağlı ayıq-sayıq hərəkət etməsə, ABŞ məqsədinə çatacaq. İran gəmisinə Ukrayna hücumunun planlaşdırıcılarını məhv etmək üçün İran rəsmiləri Ukrayna ilə gərginliyi həll etmək isiqamtində ayıq-sayıq olmalı və uzaqgörənliklə hərəkət etməlidirlər”, - məqalədə vurğulanıb.

Həmçinin qeyd edilib ki, Tehranı Ukrayna məsələsində Rusiyadan fərqli yol seçməlidir:

“Düzgün yol İranın Ukrayna ilə münasibətlərdə yolunu Rusiyadan ayırması və müdaxilə etmək əvəzinə, Kiyevlə gərginliyi həll etməsidir. Sirli əllər İranı Ukraynada tələyə salmaq istəyir. Rəsmilər bu tələyə düşməmək üçün diqqətli olmalıdırlar”.