İsrail Qəzza zolağında gələcək məskunlaşma prosesinin həyata keçirilməsi üçün HƏMAS-ın tam tərk-silah edilməsində və anklavın silahsızlaşdırılmasında israr edir.

Axar.az xəbər verir ki, bu barədə İsrail Baş nazirinin müşaviri Dmitri Gendelman bildirib.

Onun sözlərinə görə, ABŞ Prezidenti Donald Trampın təşəbbüsü ilə yaradılan Sülh Şurasının Qəzza ilə bağlı 15 bəndlik planında İsrailin bu tələbləri kifayət qədər əksini tapmayıb. Gendelman qeyd edib ki, HƏMAS silahsızlaşdırılmayana qədər İsrail Qəzza zolağındakı "Sarı Xət"dən geri çəkilməyəcək.

Müşavir həmçinin İsrail Baş naziri ilə ABŞ Prezidenti arasında Vaşinqtonda keçirilən görüşdə Qəzza məsələsinin müzakirə olunmadığını bildirib.