İranın neft ticarətində fəaliyyət göstərən təxminən 430 tankerindən 87%-i sanksiyalar altındadır.

Axar.az xəbər verir ki, bu haqda "Windward" Dəniz Kəşfiyyatı Şirkəti məlumat yayıb.

Bildirilib ki, İranın neft ticarətində istifadə edilən tankerlərinin əksəriyyəti sanksiyalar altında olduğuna görə onların bir çoxu saxta bayraqlar və ya gizli metodlar altında fəaliyyət göstərir.

Məlumata görə, İranın neft daşınması şəbəkəsi sanksiyalardan yayınmaq üçün köhnəlmiş tankerlərdən istifadə edir, izləmə sistemlərini söndürür və yükü bir gəmidən digərinə ötürür.

Mütəxəssislərin fikrincə, bu üsullar neftin mənşəyini izləməyi və sanksiyaların tətbiqini çətinləşdirib.