ABŞ Müdafiə Nazirliyi Çin və ya Rusiya ilə regional müharibə vəziyyətində yeni nüvə strategiyası hazırlayır.

Axar.az xəbər verir ki, bu barədə “NBC Nyus” mənbələrə istinadla məlumat yayıb.

“Pentaqon ABŞ üçün yeni nüvə planı hazırlayır və bu planda Çin və ya Rusiya ilə regional müharibə olarsa, kiçik güclü taktiki nüvə silahlarının istifadəsi ehtimalı əsas mövzulardan biri kimi nəzərdən keçirilir. Məxfi saxlanılan yeni Amerika strategiyası, onilliklərdir mövcud olan nüvə silahlarına yanaşmaya meydan oxuyur. Pentaqonun siyasi şöbəsinin rəhbəri Elbric Kolbinin təklif etdiyi yeni strategiya ABŞ-ın müttəfiqlərinin Pekin və ya Moskva tərəfindən təhlükə ilə üzləşə biləcəyi və ya hücuma məruz qala biləcəyi regional müharibə ssenarisinin qarşısını almağa yönəlib”, - məlumatda deyilib.