İran pilotlarının saxlanılması ilə bağlı yayılmış iddiaları qəti şəkildə rədd edirik.

Axar.az xəbər verir ki, bu barədə Qətərin Xarici İşlər Nazirliyinin sözçüsü Məcid bin Məhəmməd əl-Ənsari bildirib.

“Regionda vəziyyətin gərginliyini azaltmaq üçün davam edən diplomatik səylər fonunda belə yanlış məlumatlara təəccüblənirik", - deyə Qətər rəsmisi əlavə edib.

XİN nümayəndəsi ekipaj üzvlərinin sərhədləri pozduğu barədə xəbərdar edildiyini diqqətə çatdırıb:

“Döyüş qaydalarına riayət edildikdən və onlarla əlaqə saxlamaq cəhdləri cavabsız qaldıqdan sonra ərazimizin müdafiəsi üçün beynəlxalq hüququn tələblərinə uyğun olaraq zəruri tədbirlər görülüb”.

Qeyd edək ki, daha öncə Qətərin 3 iranlı pilotu əsir götürdüyünə dair xəbərlər yayılmışdı.