Vahid Rusiya Partiyasının sədri, Rusiya Təhlükəsizlik Şurası sədrinin müavini Dmitri Medvedyev Rusiyanı tərk edən, ölkənin əleyhinə çıxış edən və müharibədə Rusiyanın məğlub olmasını arzulayan vətəndaşların bağışlanmağa layiq olmadığını bildirib.

Axar.az xəbər verir ki, o, bu barədə partiyanın qurultayında çıxışı zamanı deyib.

“Xəyanətkarlardan, qaçanlardan, tarakan kimi sakit guşələrə dağılışan, orada - sürgündə gün keçirən, bir çox hallarda firavan həyatlarını itirməyə məhkum olan, ölkəmizə qarşı hürən və müharibədə ölkəmizin məğlub olmasını arzulayanlardan danışarkən... Bir düşünün: onların ölkəsi müharibə aparır, əsgərlər və dinc sakinlər həlak olur, onlar isə öz ölkələrinin ölümünü arzulayırlar. Belə alçaqlar bağışlana bilməz”, — deyə Medvedyev qeyd edib.