Rusiya Ukraynaya qarşı getdikcə daha çox reaktiv mühərrikli dronlardan istifadə edir, çünki onları yüksək sürətlərinə görə ənənəvi vasitələrlə ələ keçirmək daha çətindir. Ukrayna istehsalçıları artıq reaktiv mühərrikli ələkeçirici dronlar üzərində işləyirlər ki, bu da problemin mümkün həlli ola bilər.

Axar.az xəbər verir ki, bunu Ukrayna Hərbi Hava Qüvvələrinin rabitə şöbəsinin rəisi Yuri İqnat deyib.

Onun sözlərinə görə, Rusiyanın reaktiv mühərrikli dronlardan istifadəsində əhəmiyyətli artım 2026-cı ilin əvvəllərində qeydə alınmağa başlamışdı, lakin iyul ayı həlledici oldu.

İqnat bildirib ki, həmin ayda Rusiya Ukraynaya qarşı əvvəlki aya nisbətən beş dəfə çox reaktiv mühərrikli dronlardan istifadə edib:

"Gecə hücumlarından üçdə ikisi reaktiv mühərriklə, üçdə biri isə ənənəvi dronlarla həyata keçirilir. Reaktiv mühərrikli dronlar daha çox yayılır".