14:59

Şimali Kipr Türk Respublikası sahillərində 279 sərnişinin olduğu gəmi batmağa başlayıb.

Axar.az xəbər verir ki, bu barədə Şimali Kipr mətbuatı məlumat yayıb.

“Girnə sahillərindən təxminən 2-2,5 kilometr aralıda üzən gəminin kapitanı arxa hissədən suyun dolduğunu görüb geri qayıtmağa çalışsa da, bu cəhd uğursuz olub”, - məlumatda qeyd olunub.

Hazırda xilasetmə əməliyyatları aparılır.

Gəminin batma səbəbi bilinmir.

***

Şimali Kiprin Girne şəhəri sahillərində batan sərnişin gəmisindən 159 nəfərin xilas edildiyi açıqlanıb.

Bu barədə Girnə şəhərinin meri Murad Şenkul məlumat verib.

***

Şimali Kipr Türk Respublikasının Baş naziri Ünal Üstel qəza nəticəsində ölənlərin olduğunu, xilasetmə işlərinin davam etdiyini bildirib.

***

Kipr sahillərində baş verən gəmi qəzasında altı nəfər həlak olub.

Bu barədə Şimali Kipr Türk Respublikasının Baş naziri Ünal Üstel məlumat verib.

Onun sözlərinə görə, 172 nəfər təxliyə edilib.

***

Ünal Üstel bildirib ki, indiyə qədər 237 nəfər xilas edilib, 7 nəfər həlak olub.

23 nəfərin axtarışı davam edir.

***

Şimali Kiprin Girne şəhəri sahillərində sərnişin gəmisinin batması nəticəsində ölənlərin sayı 8-ə çatıb.