00:25

ABŞ-ın Larak adasına hücumu və bir neçə nəfərin ölümünə görə qisas alınacaq.

Axar.az xəbər verir ki, bu barədə İran İslam İnqilabı Keşikçiləri Korpusunun (SEPAH) bəyanatında deyilir.

"Larak adasına hücum nəticəsində bir sıra döyüşçülərimiz və həmvətənlərimiz həlak olub və yaralanıb. İslam İranının oğulları bu hərəkətə cavab verəcək və təcavüzkar cəzalandırılacaq", - deyə bəyanatda bildirilir.

***

SEPAH ABŞ-ın İranın Larak adasına dron hücumuna raket və pilotsuz uçuş aparatları (PUA) ilə cavab verib.

Bu barədə "Tasnim" məlumat yayıb.

Bildirilib ki, ABŞ-ın İordaniyadakı "Müvəffəq Salti" bazası atəşə tutulub.

"Düşmənin texniki və təmir infrastrukturları, eləcə də qırıcılarının yerləşdiyi Məlik Hüseyn və Əl-Əzrəq adlı iki aviabazası darmadağın edilib", - bəyanatda qeyd edilib.