Rusiya bir daha heç vaxt “Kiyev üç günə” ssenarisini həyata keçirə bilməyəcək, amma “Baltikyanı ölkələr üç günə” ssenarisi mümkündür.

Axar.az xəbər verir ki, bu barədə Ukrayna Pilotsuz Sistemlər Qüvvələrinin komandanı Robert Brovdi (Madyar) bildirib.

Dron hücumları vasitəsilə müharibəni adi rusiyalıların yaşadığı ərazilərə daşımaqla müharibənin gedişində inqilab yaradan Madyar düşməni qiymətləndirməmək barədə xəbərdarlıq edib:

“Daha heç vaxt “Kiyev üç günə ələ keçiriləcək” ssenarisi olmayacaq. Amma Baltikyanı ölkələrin üç günə ələ keçirilməyəcəyinə əmin deyiləm”.

O, bunu NATO ölkələrinin hələlik müasir, dron və texnologiyalara əsaslanan müharibəyə tam hazır olmaması ilə izah edib. Rusiya isə bu arada dronların, raketlərin və hava hücumundan müdafiə sistemlərinin istehsalını fasiləsiz şəkildə artırır.

Onun proqnozlarına görə, qarşıdakı altı ay ərzində ruslar Ukraynaya endirilən zərbələrdə raketlərin sayını artırmağa çalışacaqlar.