Rusiya Prezidenti Vladimir Putin Ukraynanı 2027-ci ilin yazına qədər respublikaya qarşı genişmiqyaslı, sistemli hücumlar vasitəsilə kapitulyasiyaya məcbur etmək istəyir.

Axar.az xəbər verir ki, bu barədə ABŞ-ın Müharibənin Araşdırılması İnstitutunun (ISW) araşdırmasında deyilir.

Bildirilib ki, Moskvanın Ukraynadakı münaqişədə qələbəsi Rusiya Silahlı Qüvvələrinin resursları imkan verdiyi müddətcə zərbələrini gücləndirməsi və sürətləndirə bilməsindən asılıdır. Bu, Rusiyanın yüksək nüfuzetmə qabiliyyətinə malik ucuz, reaktiv mühərrikli “Geran” dronlarını çox sayda buraxmaq qabiliyyəti sayəsindədir.

"Rusiyanın müxtəlif zərbə arsenalı və Ukraynanın hava hücumundan müdafiə vasitələrinin olmaması Rusiya qüvvələrinə hazırkı zərbə tempini qorumağa və hədəf diapazonunu genişləndirməyə imkan verir. Rusiyanın hazırkı zərbə strategiyası Ukraynaya ciddi iqtisadi itkilər verir", - deyə bildirilir.