Ana səhifə Planet |
Gürcüstanın sabiq prezidenti Mixail Saakaşvilinin həyat
yoldaşı Sandra Rulovs Zuqdidi şəhərində birmandatlı dairə üzrə
parlament seçkilərinin ikinci turunda iştirak etməyəcəyini
açıqlayıb.
APA-nın məlumatına
görə, S. Rulovs bunu bu gün "Odişi Nyus" telekanalına açıqlamasında
bildirib.
Vahid Milli Hərəkat Partiyasından deputatlığa namizəd olan S.Rulovs
deyib ki, səsvermə prosesinin gedişində ciddi pozuntular olub və
seçkilərin ikinci turunda iştirak etməyi məqsədəuyğun saymır.
Qeyd edək ki, MSK-nın məlumatına görə, Zuqdidi dairəsi üzrə
seçkilərin ilkin nəticələrinə əsasən S.Rulovs bu dairədə
seçicilərin səslərinin 44,48 faizini, hakim Gürcü Arzusunun
namizədi Edişer Toloraya isə səslərin 48,63 faizinin səsini
toplayıb. Namizədlərdən heç biri 50+1 faiz səs toplamadığı üçün
seçkilərin ikinci turu təşkil olunacaq. S.Rulovs ikinci turda
iştirak etmək istəmədiyini açıqlasa da, seçki qanunvericiliyinə
əsasən, ikinci turda da onun adı seçki bülletenində olacaq.
Tarix
2016.10.23 / 19:30
|
Müəllif
Axar.az
|