İranda 11 həyat yoldaşını öldürən Gülsüm Əkbərinin apellyasiya şikayəti rədd edilib və Ali Məhkəmə onun edam hökmünü təsdiqləyib.

Axar.az xəbər verir ki, bu barədə Mazandaran əyalətinin məhkəməsinin yaydığı məlumatda deyilib.

Bildrilib ki, hökmün icrası üçün iş hüquqi prosedurların aparılması məqsədilə Mazandaran Ədliyyə Məhkəməsinə göndərilib.

Qeyd edək ki, 20 il ərzində nikaha girdiyi və ya siğə yolu ilə birlikdə olduğu 11 kişini öldürən mazandaranlı Gülsüm Əkbəri 10 dəfə edam cəzasına, 1 qətlə cəhd etdiyinə görə isə 10 il həbs cəzasına məhkum edilib.

Öldürdüyü kişilərdən birinin ailəsi onu bağışlayıb.

Qeyd edək ki, qadın tora saldığı kişiləri cinsi fəallığı artıran dərmanlara qatdığı uyuşdurucu maddələrlə yuxuya verərək, onları öldürüb.