Vaşinqton və Moskva arasında dizel yanacağının tədarükü ilə bağlı əldə edilmiş razılaşmalara dair Avropa ölkələrindən gələn tənqidlər ikiüzlülükdür.

Axar.az xəbər verir ki, bunu ABŞ-ın maliyyə naziri Skott Bessent deyib.

"2022-ci ildən bəri Avropa ölkələri Rusiya enerji resurslarından imtina edə bilmədikləri üçün Moskvaya Ukraynaya ayırdıqlarından daha çox vəsait ödəyiblər. Buna görə də dizel yanacağının qiymətini aşağı salmaq üçün tədbirlər görə bilməyəcəyimizlə bağlı iddialar tamamilə ikiüzlülükdür", - Bessent bildirib.

Qeyd edək ki, oktyabrın 9-da ABŞ Prezidenti Donald Tramp Rusiya lideri Vladimir Putinlə telefonla danışıb. Trampın sözlərinə görə, o, Putinlə oktyabrda dünya və ABŞ bazarlarına 300 min ton, noyabrda 500 min ton, sonrakı dövrdə isə 1 milyon ton dizel yanacağının tədarükü barədə razılıq əldə edib.