Son 10 ildə dünyada 700 jurnalist qətlə yetirilib.

Axar.az xəbər verir ki, bunu jurnalistlərə açıqlamasında BMT Baş katibi Pan Gi Mun söyləyib. Onun sözlərinə görə, bu jurnalistlərin çoxu konfliktlər zamanı dünyasını dəyişib:

"Son 10 ildə 700 jurnalist öldürülüb. Bu, hər beş gün ərzində bir jurnalistin aramızdan yox olması anlamına gəlir. Bu şəxslərin çoxu konfliktlərdə həlak olub. Buna rəğmən, dünyada hələ də çox jurnalist güc yoluyla susdurulmağa çalışılır. Belə cinayətlərin yalnız 7%-nin üstü açılır. Həmin şəxslərə cəzaların verilməməsi jurnalistlər arasında qorxunu artırır və hökumətlərin maneəsiz senzura tətbiq etməsinə səbəb olur. Jurnalistlərin həyatlarını itirməkdən qorxub özlərini senzuraya məcbur etmələrinə yol vermək olmaz".