ABŞ prezidentliyinə Respublikaçılar Partiyasından namizəd Donald Trampın həyat yoldaşı Melaniya Tramp sloveniyalı jurnalisti məhkəməyə verib.

Axar.az xəbər verir ki, Tramp jurnalist Tomaş Mixeliçi böhtan xarakterli yazılar dərc etməkdə ittiham edib.

Lyublyana məhkəməsində qaldırılan iddiada qeyd olunub ki, jurnalist "Suzi" (Suzy) jurnalında Melaniyanın 90-cı illərdə fahişəlik sektorunda çalışması ilə bağlı qeyri-dəqiq məlumatlar dərc edib.

Jurnalın rəhbərliyi isə ittihamları rədd edib. Bildirilib ki, dərc olunan materialda Melaniya Trampın fahişə xidməti göstərməsi ilə bağlı məlumat yer almayıb.