Rusiya Prezidenti Vladimir Putin Elmlər Akademiyasında təmizləmələrə başlayıb.

Axar.az xəbər verir ki, prezident bu gün Akademiyadan bir neçə yüksək vəzifəli məmuru çıxarıb. Çıxarılanlar sırasında Rusiya Daxili İşlər nazirinin müavini Aleksandr Savenkov, Müdafiə Nazirliyinin Hərbi Tibbi İdarəsinin rəisi Aleksandr Fisun, Federal Təhlükəsizlik Xidmətinin Arxiv Fondunun rəhbəri Vasili Xristoforov olub. Bu məmurların hamısı ya akademik, ya da ki, Elmlər Akademiyasının müxbir üzvüdürlər.

Bu şəxslərin hər biri tutduqları vəzifədən də azad edilib.

Qeyd edək ki, Putin məmurların Elmlər Akademiyasında olmasını kəskin tənqid edib. O, bunun elmin inkişafına maneə yaratdığını bildirib.