İran Ermənistana investisiya tərəfdaşı kimi yox, ticarət tərəfdaşı kimi baxır.

Axar.az xəbər veririk, bunu jurnalistlərə açıqlamasında erməni iqtisadçı Vilen Xaçatryan söyləyib. İqtisadçı buna sübut kimi İranın 28 ildə Ermənistana cəmi 3 milyard dram (6,2 milyon dollar – red.) investisiya yatırdığını göstərib:

“İran investisiyaları Ermənistana gəlmir. Bu, bəlkə də Rusiya faktoru ilə bağlıdır. İran bizə daha çox Azərbaycan-İsrail münasibətlərinə qarşı balans yaratmaq vasitəsi kimi baxır. Bu, daha çox diplomatik balansın bərpası, Bakının qarşısının alınması kimi anlaşılmalıdır. İrandan Ermənistana böyük investisiyaların gəlməsini gözləmək nağıldan başqa bir şey deyil”.