1914-cü ilin dekabrında Birinci Dünya müharibəsinin iştirakçıları heç bir razılıq və rəsmiyyət olmadan atəşkəs edirlər. Almanlar, ingilislər və fransızlar silahları yerə qoyaraq birlikdə Milad bayramını qutlayır, rəqs edir, əylənirlər.

Axar.az xəbər verir ki, bu haqda məlumatı ilk dəfə olaraq Britaniya nəşri "Mirror" yayır.

Əsgərlər səngərdən çıxaraq bir-birinin bayramını təbrik edir. İlk olaraq almanlar ingilislərə deyir:

"Milad bayramınız mübarək, ingilislər!"

Eyni hal fransızlarla da baş verir, əsgərlər bir-birini yeməyə qonaq edir, dərdləşir, futbol oynayırlar. Bu ənənə müxtəlif cəbhələrdə yayılmağa başlayır. Əsgərlər bundan sonrakı bütün bayramları belə qeyd etmək qərarına gəlirlər, amma komandirlərinin qəti tapşırığı buna mane olur.

1914-cü ilin dekabrı müharibə daxilində olsa belə, sülhün və insanlığın simvolu olaraq tarixə düşür.