Dünyanın ən varlı adamlarının adları açıqlanıb.

Novator.az xəbər verir ki, martın 1-də açıqlanan siyahıda Rusiyanın “Lukoyl” neft şirkətinin azərbaycanlı prezidenti Vahid Ələkbərovun da adı var. Dünyanın 104-cü varlı adamı olan Vahid Ələkbərov 11,4 milyard dollar sərvətə sahibdir.

Vahid Ələkbərov 1993-cü ildən “Lukoyl”un prezidentidir. O, 1950-ci ildə Bakıda anadan olub.

Bloomberg-in açıqladığı milyarderlər siyahısına Bill Qeyts (“Microsoft” kompaniyası) başçılıq edir. Onun 85,2 milyard dollarlıq sərvəti var.

İkinci yerdə 77,2 milyard dollar vəsaiti olan Uorren Baffet, üçüncü yerdə 73,1 milyard dollar vəsaitlə Ceff Bezos, dördüncü yerdə 68,5 milyard dollarlıq varidatla Amansio Orteqa dayanır.

Reytinq cədvəlinin beşinci pilləsində 58,5 milyard dolar varidatı olan “Facebook” sosial şəbəkəsinin banisi Mark Zukerberq durur.