Türkiyə Baş naziri Binəli Yıldırım 2 gün əvvəl Hatay sərhədində Əhrar əş-Şam qruplaşması tərəfindən vurulan Suriya qırıcısının pilotu ilə bağlı verilən qərarı şərh edib.

Axar.az xəbər verir ki, nazir pilot ailəsinin ziyarətinə icazə veriləcəyini bildirib.

“Müalicəsi davam edir. Təhvil verilməsi məsələsi hələ ki, gündəmdə deyil. Mənəvi məsələdir. Ailəsinin onu ziyarət etməsinə icazə verəcəyik. İnsani münasibət bizim dəyərlərimizdə var”, - Yıldırım bildirib.

Xatırladaq ki, 2 gün əvvəl terrorçular tərəfindən vurulan Suriya qırıcısının 56 yaşlı pilotu Məmməd Sufhanın fəqərə sümüyündə sınıq olduğu, ayaqları və üzündə yaraların olduğu bildirilir.