Rusiya Xarici İşlər Nazirinin keçmiş müavini Vasili Nebenzya Rusiyanın Birləşmiş Millətlər Təşkilatındakı (BMT) daimi üzvü vəzifəsinə təyin edilib.

Axar.az xəbər verir ki, bu barədə məlumat Kremlin rəsmi internet səhifəsində yerləşdirilib.

Qeyd edək ki, 1962-ci il təvəllüdlü Vasili Nebenzya Nyu York və Cenevrədə diplomat kimi müxtəlif vəzifələrdə çalışıb. O, 2013-ci ildən bu günə qədər xarici işlər nazirinin müavini kimi fəaliyyət göstərib.

Rusiyanın BMT-dəki keçmiş nümayəndəsi Vitali Çurkin bu ilin fevralında ABŞ-dakı ofisində çalışarkən infarkt şübhəsi ilə xəstəxanaya çatdırılsa da həyatını xilas etmək mümkün olmamışdı.