Yaponiyanın Xarici İşlər naziri Fumio Kisida və ABŞ Dövlət katibi Reks Tillerson telefon danışığı zamanı Şimali Koreyanın yeni raket sınağını müzakirə ediblər.

Axar.az xəbər verir ki, bu barədə “Mainiçi” informasiya yayıb.

Tərəflərin Şimali Koreyaya təzyiqlərin artırılması barədə razılığa gəldiyi bildirilib.

“Biz BMT Təhlükəsizlik Şurasının daha sərt tədbirlər nəzərdə tutan qətnamə qəbul etməsi üçün sıx əməkdaşlıq etməyi qərara aldıq”, - açıqlamada yazılıb.

Xatırladaq ki, ötən gün Şimali Koreya yeni raket sınağı həyata keçirib.