Çində 70 yaşlı baba bəy olmaq həvəsinə düşərək 113 yaşlı nənə ilə evlənib.

Axar.az xəbər verir ki, izdivac ötən həftə Çinin qərbindəki Sinzyan-Uyğur Muxtar Mahalının Baçu bölgəsindəki qocalar evində baş tutub. Uyğur türkü 70 yaşlı Aimti Əhməd 113 yaşlı Azatihan Səvati ilə ailə qurmağa qərar verib. Cütlük nikah masasına əyləşib.

Qeyd edək ki, 70 yaşlı Aimti bəy 113 yaşlı gəlinlə ötən ilin dekabr ayında tanış olub. Nikah mərasimindən sonra təzə bəy Aimti "biz indi birlikdə çox xoşbəxtik. Onun məndən yaşlı olması əhəmiyyətli deyil. O mənim qayğıma qalır və mənə yeməkdə çoxlu ət verir", - söyləyərək hər kəslə sevincini paylaşıb. Hətta Aimti Əhməd deyib ki, onun və Azatihanın övladları ilə nəvələri də bu evliliyə qarşı çıxmayıb.