İngiltərənin Liverpul şəhərində yaşayan bir qadın sahiblərinin ac qoyub getdiyi itin hücumuna məruz qalıb.

Axar.az xəbər verir ki, yaşlı qadını diri-diri yeyən Çarli adlı itin sahibləri 12 ay həbs cəzasına məhkum ediliblər.
79 yaşlı qadın mətbəxtdə yemək bişirdiyi zaman qapını açıq qoyub. 45 saatdan çox ac qalan it boğazına bağlanmış zənciri qıraraq evə girib və qadına hücum edib.

Qadının köməyinə gələn qonşular onu itin ağzından ala bilməyib. Hadisə yerinə gələn polislərin itə atəş açmasından sonra onu dayandırmaq mümkün olub.

Sonradan müəyyən olub ki, 45 saat ac qalan it bu müddət ərzində plastik qablar, siqaret tullantıları yeyib, çirkli su içib.

İti silahla öldürən polis açıqlamasında gördüyü hadisənin həyatı boyu şahidi olduğu ən qorxunc səhnə olduğunu deyib.

İtin 30 və 29 yaşlı sahibləri onlara qarşı irəli sürülən bütün ittihamları qəbul ediblər.