Ana səhifə Planet |
19-u gecədən etibarən VI Filip İspaniyanın kralı olacaq.
Axar.az "El Pais" qəzetinə istinadən məlumat verir ki, öncə Kral Filip Madrid yaxınlığında yerləşən Zarzualla sarayında atası Xuan Karlosdan kral kəmərini təhvil alıb.
Xuan Karlos çərşənbə axşamı taxtdan əl çəkdikdən sonra gecə yarısı Filip taxta çıxıb.
Müxbirlərin verdiyi xəbərə görə, mərasim tacqoymadan çox elan formasında keçirilr.
Qeyd edək ki, bu, İspaniyada 1970-ci ildə demokratiyaya keçiddən bəri keçirilən ilk tacqoyma mərasimidir.
Onu da xatırladaq ki, Xuan Karlos oğlu Filipin lehinə taxtdan imtina aktı imzalayıb. Mərasim İspaniyanın Royal sarayında keçirilib. Kraliça Sofiya və varisin ailəsi – Şahzadə Asturiyas və Xuan Karlosun nəvəsi daxil olmaqla mərasimdə 150 nəfər iştirak edib. İmtina aktının qanuniliyini İspaniya hökumət başçısı Mariano Rajoy öz imzası ilə təsdiq edib.
Oğlu Filipin ölkənin idarə edilməsini öz üzərinə götürməsi üçün lazım olan bütün keyfiyyətlərə sahib olduğunu deyən Monarx ispan xalqının dəstəyinə görə öz təşəkkürünü bildirərək qeyd edib: "İspaniya həmişə mənim ürəyimdə qalacaq".
Tarix
2014.06.19 / 14:40
|
Müəllif
Aygün Qarayeva
|