Dünyanın bir sıra əraziləri insanlarda hər zaman qorxu hissi yaradıb.

Axar TV insanlarda qorxu yaradan dünyanın ən dəhşətli 5 yerini təqdim edir:

1. Çauçilla məzarlığı, Peru.

Naska Perunun cənubunda olan şəhərdir. 27 min əhalisi olan bu şəhər daim turistlərlə dolu olur. Onların əksəriyyəti Çauçilla qəbiristanlığını görmək üçün gəlirlər. Bu ərazidə ölüləri torpağa basdırmırlar, ölülər çubuqlarla əhatələnmiş böyük çuxurun içərisində oturaq vəziyyətdə qalırlar. Texnologiya sayəsində bu cəsədlərin sümükləri olduğu kimi qalıb.

2. Exo vadisi, Filippin.

Filippindəki Exo vadisi qayalarla doludur. Onların üzərində tabutlar asılıb. Yerli camaat inanır ki, daha yüksək qayalıqdan asılmış cəsəd daha tez göydə olacaq. Bu ənənə artıq 2 min ildən çoxdur ki, burada yerinə yetirilir.

3. Kutna Qora, Çexiya.

Bura insan sümüklərinin saxlandığı ən məşhur yer hesab edilir. Antropoloqların fikrincə, burada 40 mindən çox insan qalığı mövcuddur.

4. Kapuçin məzarlığı, İtaliya.

İtaliyanın Palermo şəhərindəki Kapuçin yeraltı məzarlığı görənləri heyrətə gətirir. Minlərlə cəsədin sərgiləndiyi bu yerə girmək hər adamın işi deyil. 8 min cəsədin yerləşdiyi “Ölülər kilsəsi”ndəki sonuncu meyit 2 yaşındakı Rozaliya Lombardo adlı qıza məxsusdur.

5. Drakula qalası, Rumıniya.

Transilvaniya qalası daha çox “Drakula qalası” kimi məşhurdur. Bu qala Karpatlarda dəhşətli uçurumun kənarında tikilib. Qalada 56 otaq var və yalnız onlardan birində böyük çarpayı var. Əfsanəyə görə, qalanın sahibi məhz burada öz qurbanlarının qanını içirdi.