Axar.az
Yuxarı

Cənnət xəyalı ilə Suriyaya gələn amerikalı terrorçu

Ana səhifə Planet
12 Punto 14 Punto 16 Punto 18 Punto

Suriyadakı "Xorasan qrup"u terroru Qərbə keçirmək istəyir; amerikalı terrorçu: "Cənnətin ətrini duyuram"; Suriya müharibəsinə 100 nəfərə qədər ABŞ vətəndaşı qatılıb.

CNN çağdaş dünyanın əsas bəlalarından biri olan terrorla bağlı geniş yazı hazırlayıb. Televiziyanın milli təhlükəsizlik üzrə mütəxəssisi Peter Bergen həm də Yeni Amerika Fondunun direktorudur. O, bin Ladenlə bağlı bestseller hesab olunan kitabın da müəllifidir.

Terrorla bağlı geniş bilgiləri olan belə bir sanballı mütəxəssisin qələmindən çıxan yazını kiçik ixtisarla təqdim edirik...

****

...Bir azdan o, yük maşınını partladacaqdı. Nəticədə özü və suriyalı əsgərlər öləcəkdi. Patlayışa saniyələr qalmış terrorçu radio vasitəsilə "əl-Qaidə" mücahidləri ilə əlaqə saxlayır. 22 yaşlı Məhəmməd Əbu Salha deyir: "Mən cənnəti görürəm və cənnətin ətrini duymağa başladım"...

Əlbəttə, terrorçular arasında belə söhbətlər qeyri-adi hesab oluna bilməz. Amma 2 ay öncə baş vermiş bu hadisədə qeyri-adi olan odur ki, bu terror aktını amerikalı həyata keçirib.

Məhəmməd Əbu Salhanın atası fələstinlidir, anası isə italyan əsilli amerikalıdır. O, Floridada böyüyüb. Orada məktəbə gedib, məktəbin futbol komandasında oynayıb...

Və o, Suriyada terror həyata keçirərkən ölən ilk amerikalıdır. Onun ölümündən sonra "əl-Qaidə" onun yarım saat davam edən videomüraciətini yayımladı. Həmin müraciətdə o, terror missiyasının səbəblərini izah edir...

"Əl-Qaidə" belə videomüraciətlərdən sıralarını genişləndirmək üçün məharətlə istifadə edir. Suriyada artıq 4 ildir ki, davam edən müharibədə yer alan terror təşkilatı Qərbdə yaşayan gənclərə xüsusi maraq göstərir. Ortada ciddi nəticə də var. Bəzi hesablamalara görə, 2 min gənc məhz belə təbliğatın nəticəsində "əl-Qaidəyə" qoşulub.

Videoda gənc Məhəmməd ABŞ pasportunu cırıb ocağa atır. Daha sonra o, şəhid kəmərini əyninə keçirir və AK-47 avtomatı ilə silahlanır. Bütün bunlar lentə alınır...

Kəskin Amerika ləhcəsində danışan Məhəmməd ABŞ və Britaniyadakı gəncləri mücahidlərə qoşulmağa səsləyir. Bildirir ki, "əl-Qaidə"yə qoşulmaq elə də mürəkkəb iş deyil: "Mən Suriyaya gələndə cibimdə cəmi 20 dollar vardı. Allah bu səfəri mənim üçün çox asan etdi. Çətinlik çəkmədən mücahidlərə qoşuldum. Amerikadan Türkiyəyə uçdum, oradansa Suriyaya keçdim".

O, Amerikadakı həyatı ilə mücahid həyatını müqayisə edir: "Sadəcə, 5 dəqiqə mücahidlərlə oturub bir fincan çay içmək Amerikadakı bütün həyatımdan daha dəyərlidir. Mən Amerikada yaşamışam! Mən o həyatdan yaxşı xəbərdaram. Sizin orada gözəl parklarınız var, restoranlarınız var, yaxşı yeməyiniz var, bahalı maşınlarınız var və bütün bunların əslində qara qəpik qədər dəyəri yoxdur. Siz isə zənn edirsiz ki, xoşbəxtsiz. Yox, siz xoşbəxt deyilsiz. Siz heç vaxt xoşbəxt olmamısız da. Mən də xoşbəxt deyildim. Həmişə məyus və əsəbi idim. Həyat məni limon kimi sıxırdı... Siz "xoşbəxt" olmaq üçün həftədə 40, 50, 60 saat çalışırdız "...

Məhəmməd qara geyimə bürünərək avtomatdan atəş açan xanımı göstərərək deyir ki, bu qadın Pakistanda əl-Qaidənin terror aktları həyata keçirməsini təmin edir: " O, min kişiyə bərabərdir. Sizin kimi evdə oturan kişilərdən çox-çox üstündür"...

Müəllif vurğulayır ki, gənclərə o fikir aşılanır ki, əgər siz cihada qoşulmaq üçün, "əl-Qaidə"ni aramırsızsa, deməli, siz həqiqi müsəlman deyilsiz.

Əbi-Salha cənnətlə bağlı təsəvvürlərini də tamaşaçılarla bölüşür. Suriyada döyüşərək ölən mücahidlərin məhz cənnətə gedəcəyini iddia edir: "Orada ağaclarda şirin meyvələr asılıb. Əlini atıb dərmən yetər. Oradakı qadınlar da çox gözəldir. Bu gözəlliyin içində əriyib yox olarsız"...

Videomüraciətdə Məhəmməd Floridada yaşayan ailəsinə də müraciət edir: "Mən səni sevirəm, ana... Mənim qardaşım, sən də mənə çox əzizsən. Bizim bacımıza və kiçik qardaşımıza qayğı göstər"...

Sonra isə "əl-Qaidə"nin qara rəngli bayrağı nümayiş etdirilir. Və uzaqdan lentə alınmış dəhşətli partlayış göstərilir...

Terror üzrə mütəxəssis deyir ki, Suriya müharibəsinə 100 nəfərə qədər amerikalı qatılıb. Onların heç də hamısı "əl-Qaidə"yə qoşulmayıb. Amma çoxu onlarla birlikdə vuruşmağa qərar verib.

Yazıda "The New York Times"a istinadən bildirilir ki, Məhəmməd Suriyada müəyyən təlimlər keçdikdən sonra yenidən Amerikaya qayıdıb. Bir neçə ay ailəsi ilə birlikdə qalıb. Və son missiyasını yerinə yetirmək üçün Suriyaya geri dönüb...

Yeni Amerika Fondunun hesablamasına görə, indiyə qədər 9 amerikalı Suriyadakı cihad tərəfdarları ilə əlaqələrə görə ittiham olunub və məhkəmə qarşısında dayanıb. Belə nümunələrdən biri 23 yaşlı Mixail Tod Volfe ilə bağlıdır. O, Hyuston hava limanında həbs olunub və "əl-Qaidə"yə qoşulmağa cəhd göstərməkdə ittiham olunub...

Müəllif yazır ki, Suriya cihad xəyalında olanlar üçün daha cəlbedici yerdir. Çünki buraya sünni mücahidlər toplaşıblar. Prezident Bəşir əl-Əsəd ələvidir və bu təriqət sünnilər tərəfindən kafir kimi qəbul olunur. Ölkəni dünyəvi qaydalarla idarə etməsi də onu xain hesab edənlərə əlavə arqumentlər verir. Sünni çoxluğa qarşı vuruşduğundan sünni mücahidlər onu məhv etməyə hazırdır...

Nəticədə Suriyada Qərbdən getmiş yüzlərlə "xarici mücahid" var. Fransadan 700, Böyük Britaniyadan 450, Almaniyadan 270 və Skandinaviya ölkələrindən onlarla gənc mücahidlərlə bir yerdədir.

ABŞ rəsmiləri bəyan edirlər ki, Suriyada cəmləşmiş mücahidlər terror aktlarını artıq Amerikaya və Avropaya keçirməyi planlaşdırırlar. Amerika rəsmilərindən biri bəyan edib ki, cihadçılar Qərbdə tərəfdarlar tapmaq üçün ciddi iş aparırlar. Düşünürlər ki, belə gənclərlə hazırlıq keçdikdən sonra Qərbdə partlayışlara başlamaq olar.
Böyük Britaniyanın terrora qarşı mübarizə idarəsi və ABŞ kəşfiyyatı bildirir ki, Pakistandan gələn "əl-Qaidə"nin rəhbərləri Suriyadakı əməliyyatlara şəxsən nəzarət edirlər. Həmin şəxslər daha çox Xorasan qrupu kimi tanınır. Müəllif vurğulayır ki, Xorasan qədim İslam xilafətində önəmli rol oynayıb və hazırda Əfqanıstanın ərazisində yerləşir...

Bəs nə etmək lazımdır?

Qərb ölkələri heç də mücahidlərlə əlaqədə olan və ya onlara maraq göstərən gəncləri etibarlı nəzarətdə saxlaya bilmir. Məsələn, Mehdi Nemmoce ötən ilin mayında Belçikanın paytaxtı Brüsseldə dörd nəfəri qətlə yetirdi. Hadisə yəhudi muzeyində olmuşdu. Mehdinin Suriyada mücahidlərin yanında təlim alması bəlli faktdır...

Hazırda Qərb ölkələri Suriyaya gedib-gələn şəxslərə nəzarəti gücləndirmək üçün əməkdaşlığa xüsusi önəm verirlər. Bu istiqamətdə intensiv şəkildə informasiya mübadiləsi aparılır...

Musavat.com

Tarix
2014.08.02 / 09:26
Müəllif
Axar.az
Şərhlər
Digər xəbərlər

Erməni lobbisi Tiflisdə də aktivləşdi: Müxalifətin namizədi…

Ermənilər Gürcüstanın daha bir şəhərinə iddia etdi - Foto

Arutyunyan yalvardı: Qarabağa gəlin və savaşın

Ermənistanda koronavirus tüğyan edir

NATO-nun müdafiə xərcləri artdı

Akardan S-400 açıqlaması: Bu, məcburiyyətdir

ABŞ-dan Maduroya: Hakimiyyətdən get!

Yunanıstan sahillərində zəlzələ baş verdi

Rus alim: Koronaya qalib gələ bilməyəcəyik!

Trampın müşaviri: Rusiya ilə razılaşmaya çox yaxınıq

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla