Pekində 13-cü çağırış Ümumçin Xalq Nümayəndələri Yığıncağının (ÜXNY) illik sessiyasında Çin Xalq Respublikasının yeni sədri vəzifəsinə seçki keçirilib.

Axar.az xəbər verir ki, Si Szinpin gizli səsvermə yolu ilə yenidən rəhbər seçilib. Onun rəhbər vəzifəsini icra etməsini parlamentin 2970 deputatının hamısı yekdilliklə dəstəkləyib.

Bununla da, hazırki dövlət başçısı, Çin Kommunist Partiyasının baş katibi Si Szinpin yenidən ÇXR Sədri, həm də ölkənin silahlı qüvvələrinin ali idarəetmə orqanı olan Mərkəzi Hərbi Şuranın sədri olub. Van Çişan isə ÇXR Sədrinin müavini seçilib

Qeyd edək ki, bütün Çin üzrə 3 minə yaxın nümayəndənin qatıldığı Ümumçin Xalq Nümayəndələri Yığıncağının (ÜXNY) illik sessiyası martın 5-dən davam edir.