"Ukraynada iqtisadi vəziyyəti və durumu hər ötən gün daha da pisləşən Donbas ərazisində qaz çatışmazlığını nəzərə alaraq, Kiyev ilk növbədə Rusiya ilə barışıqda maraqlı olmalıdır".

Axar.az xəbər verir ki, bu açıqlama ilə ukraynalı diplomat Oleq Voloşin çıxış edib.

O, Ukraynanın Krımı hərbi müdaxilə yolu ilə qaytarmağın əleyhinə olduğunu bildirib:

"Hazırda bizim ərazimizdə müharibə gedir. Orada hər gün uşaqlarımız həyatını itirir və biz müharibəni uduzuruq. Ölkəmizdə qaz çatışmazlığı var və qarşıdan da qış gəlir. Biz çox çətin iqtisadi vəziyyətdəyik. Ona görə də ilk növbədə biz Rusiya ilə barışığa can atmalıyıq. Əgər Ukrayna Krımı hərbi müdaxilə yolu ilə qaytarmağa cəhd etsə, beynəlxalq ictimaiyyət bizi dəstəkləməyəcək. Çünki dünya Rusiyanın Krımla bağlı irəli sürdüyü iddialara əmindir və Krımın Ukraynaya məxsus olmadığına inanır".