Venesuela Prezidenti Nikolas Maduro seçicilərin 68 faizinin (5,8 mln. nəfər) səsini qazanaraq ölkədə keçirilən prezident seçkilərində yenidən qələbə qazanıb.

Axar.az “RİA Novosti”yə istinadən xəbər verir ki, bu barədə Venesuela Milli Seçki Şurasının sədri Tibisay Lusena bildirib.

"Bülletenlərin 92,6 faizinin hesablanmasından sonra Maduronun 5 823 718 səs, Enri Falkonun 1 820 552 səs, Havyer Bertuççinin 925 min səs topladığını deyə bilərik", - Lusena bildirib.

Müxalifət lideri Enri Falkon seçkilərin nəticələrini tanımadığını və sabah ölkəni tərk edəcəyini bəyan edib.

Bununla da N.Maduro 2025-ci ilədək Venesuela prezidenti vəzifəsini icra edəcək.