ABŞ Prezidenti Barak Obama Rusiyanın Ukraynaya hücumunu nasistlərin İkinci Dünya Müharibəsindən əvvəlki addımlarına bənzədib.

Axar.az xəbər verir ki, Obama bunu Tallində Estoniya Prezidenti Tomas İlveslə keçirdiyi mətbuat konfransı zamanı bildirib.

"Bizim gördüklərimiz millətçi hisslərə köklənmiş aqresiyadır. Bu tarix boyu Avropa üçün ən böyük təhlükə olub. Rusiyanın aqresiyası ona baha başa gələcək. Rusiya artıq ciddi iqtisadi itkilərlə üzləşib və bu gələcəkdə də davam edəcək", - Obama deyib.

ABŞ prezidenti radikal islahatlar aparılması və ölkənin şərqindəki hərbi münaqişənin ziyanlarını aradan qaldırmaq üçün Ukraynaya iqtisadi yardım sözü verib.

Onun sözlərinə görə, NATO sammitində Ukraynaya Alyansın xüsusi tərəfdaşı statusu verilə bilər.