Axar.az
Yuxarı

Axar.Az Logo

İcra başçısı niyə həbs olundu – Səbəb

Ana səhifə Planet
12 Punto 14 Punto 16 Punto 18 Punto

Dərbənd şəhərinin meri, Dağıstanda Azərbaycan diasporunun lideri Qurban Qurbanovun həbs edilməsi ilə bağlı müxtəlif versiyalar səslənməkdədir.

Axar.az xəbər verir ki, son bir neçə ay ərzində Dağıstan Prezidenti Ramazan Abdulatipov və Dərbəndin meri Qurban Qurbanov arasında düşmənçilik nəticə etibarilə ikincinin həbsini labüd etdi. Bu düşmənçilik isə bir müddət öncə prezidentin Qurbanovun vəzifədən getməsi barədə etdiyi çıxış və bunun birmənalı qarşılanmaması ilə başlamışdı. Dərbənd azərbaycanlıları arasında xüsusi nüfuz sahibi olan və bir neçə seçkidə rəqiblərinə qalib gələrək, mer seçilən Qurban Qurbanova qarşı prezidentin tutduğu mövqe azərbaycanlıların ciddi əks-reaksiyasına səbəb oldu. Yüzlərlə azərbaycanlı mitinqə çıxaraq, Prezident Abdulatipovun "hesab edirəm ki, Qurbanov vəzifədən getməlidir" açıqlamasına etiraz etdi.

Bunun ardınca isə 16 sentyabr 2014-cü il tarixində Qurbanov barəsində Rusiya Federasiyasının Cinayət Məcəlləsinin 286-cı maddəsinin 2-ci hissəsi ilə (vəzifə səlahiyyətlərinin aşılması) Rusiyanın Dağıstan üzrə İstintaq komitəsinin İstintaq İdarəsinin rəhbəri tərəfindən cinayət işi açıldı. Nəticədə səlahiyyət müddətinin bitməməsinə baxmayaraq, istefaya göndərilməsinə cəhd edilən Q.Qurbanov həbsə məhkum oldu.

Bu ardıcıllığı Echo.az saytına şərh edən Siyasi İnnovasiyalar və Texnologiyalar Mərkəzinin (SİTM) rəhbəri Mübariz Əhmədoğlunun sözlərinə görə, Qurban Qurbanovun həbsi Azərbaycan və Dağıstan arasındakı münasibətlərə özünün mənfi təsirini göstərəcək:

"Çox təəssüf ki, Ramazan Abdulatipov Azərbaycan rəhbərliyi ilə münasibətlərində hər zaman azərbaycanlılar haqqında yalnız ən müsbət fikirləri ifadə edir, hətta Dağıstanın inkişafı üçün ölkəmizin dəstək verdiyini bildirir, ancaq reallıqda Dağıstan azərbaycanlılarına qarşı obıvatel səviyyəsində intriqalar qurur. Abdulatipov yenicə hakimiyyətə gələndə də Dağıstanın digər şəhərinin icra başçısına qarşı eyni münasibət sərgiləmişdi. İndi isə görünür ki, növbə artıq Qurban Qurbanova çatıb. İnanıram ki, rəsmi Moskva Qurbanovun həbsinə aşkar və ya gizli formada münasibətini bildirəcək və vəziyyət sabitləşəcək".

Ekspertin sözlərinə görə, Abdulatipov Dağıstanda ləzgi-azərbaycanlı qarşıdurması ilə müəyyən siyasi perspektivlər qurmaq niyyətindədir. Avar millətindən olan prezident qarşıdurma yaratmaqla avarların strateji postlara təyin olunmasına zəmin hazırlamaq istəyir. Dərbənd azərbaycanlıların qədim şəhəridir və bütün ənənəsi ilə azərbaycanlılara məxsusdur. Bu fakt Prezident Putin tərəfindən də müsbət qarşılanır və Dərbəndin mərkəzi küçəsinin Azərbaycanın milli lideri Heydər Əliyevin adını daşıması təsadüfü deyil: bu, Rusiya prezidentinin Dərbənd azərbaycanlılarına və Azərbaycan dövlətinə münasibətinin göstəricisidir. Abdulatipov da bu münasibəti həzm edə bilmir və müxtəlif vasitələrlə azərbaycanlıların mövqelərini zəiflətməyə çalışır. Azərbaycanlıların buna qarşı etirazına isə əks-reaksiya göstərilir.

Xatırladaq ki, Dərbənd azərbaycanlılarının prezidentin təzyiqlərinə qarşı etiraz aksiyası avqust ayında "Azərbaycan Dünyası" jurnalının rəhbərliyi tərəfindən Beynəlxalq Mətbuat Mərkəzində təşkil edilmiş mətbuat konfransında ictimailəşdirilmişdi. Jurnalın redaktoru Eldar İsmayıl bildirmişdi ki, etirazın başlıca səbəbi etnik azərbaycanlı Qurban Qurbanovun Dərbəndin icra başçısı postundan uzaqlaşdırmaq cəhdinə qarşıdır.
Qurbanovun səlahiyyətləri 2015-ci ilin may ayında bitməli idi. O, seçicilərin mandatına malik olduğunu səbəb gətirərək, öz vəzifəsindən getməkdən imtina etdi. Amma Abdulatipov etnik tabasaranlı olan keçmiş Ədliyyə naziri Azadi Rəhimovu Dərbəndin icra başçısı təyin etmək niyyətindədir – baxmayaraq ki, Qurbanovun vəzifədən gedəcəyi halda onun yerinə azərbaycanlının seçilməsində maraqlı olduğunu dilə gətirmişdi. Mətbuat konfransı təşkilatçıları hesab edirlər ki, bütün bunlar yüzlərlə hektar məhsuldar torpağın azərbaycanlıların əlindən alınması məqsədinə xidmət edir. Azərbaycanlıların Dağıstanda qoruyub saxladıqları son qalanı, Dərbəndi onların əlindən almaq istəyirlər.

Xüsusilə vurğulayaq ki, Dərbəndin sosial-iqtisadi inkişafı üçün rəsmi Bakı 30 milyon manat vəsait ayırıb. Bundan əlavə, Dərbənddə Azərbaycan Teatrının yeni binasının və Olimpiya Kompleksinin tikintisi, həmçinin Nizami adına parkın abadlaşdırılması nəzərdə tutulur. Bütün bunlar isə azərbaycanlıların Dərbənddə mövqelərinin möhkəmələndirilməsi deməkdir ki, bu da Mahaçqalada bir sıra qüvvələrin maraqlarını təmin etmir. "Bununla əlaqədar Dağıstan azərbaycanlıları rəsmi Bakını öz diqqətini Dərbənddəki vəziyyətə yönəltməyə çağırırlar", - Eldar İsmayıl Contact.az-a bildirib.

Qurban Qurbanov 1998-ci ildən bu rayona rəhbərlik edir. Ondan öncə Q.Qurbanovun atası təxminən 25 il Dərbəndə rəhbərlik edib.

Tarix
2014.10.03 / 23:07
Müəllif
Axar.az
Şərhlər
Digər xəbərlər

ABŞ Dəmir Qübbə sistemini bu ölkələrdə quraşdıracaq

Çindən Türkiyəyə daha 6.5 milyon vaksin gətiriləcək

"Ölkəni açın": Tiflisdə aksiyalar başladı - Video

Almaniyada peyvənd olunmaq istəməyənlər işdən çıxarıldı

ABŞ-la məhbus mübadiləsinə hazırıq - İran

Putin Davos forumunda çıxış edəcək

Bu da amerikasayağı söz azadlığı - Roqozin

Rusiyada şok qarşıdurmalar: polislər bu cür döyüldü... – Video

ABŞ-da küçə yarışı: polis maşını piyadanı vurdu - Video

Erməni müxalifəti növbəti avto-yürüşə başladı - Video

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla