ABŞ-ın xüsusi xidmət orqanlarının keçmiş əməkdaşı ölkəsinə qayıtmaqdan imtina edib.

Axar.az xəbər verir ki, Snouden Rusiyadan ABŞ-a qayıtmaqdan imtinasına səbəb kimi məhkəmənin hələ də Amerika hakimiyyətindən zəmanət almamasını göstərir.

Snoudenin tələbinə görə, məhkəmə açıq formada keçirilməli münsiflər heyətinin iştirakı ilə ABŞ hakimiyyətindən şəxsi təhlükəsizliyin təmini üçün zəmanət verilməlidir. Ancaq bu günə qədər ABŞ hakimiyyəti bu tələblərdən imtina edir.

Milli təhlükəsizlik agentliyinin keçmiş əməkdaşı Edvard Snouden ABŞ-a məxsus bir sıra məxfi sənədləri yaymaqda və casusluqda ittiham edilir. Onu Vətənə qayıdacağı halında 30 il həbs həyatı gözləyir.