"Total"ın yeni rəhbəri Petrik Puyanne Kristof de Marjerin Moskva ilə əməkdaşlıq kursunu davam etdirəcək.

Axar.az RİA Novosti-yə istinadən xəbər verir ki, "Neft şirkətləri mürəkkəb bir dönəm yaşayırlar və "Total"ın yeni başçısının prioritet vəzifələrindn biri de Marjerinin qurduğu beynəlxalq əlaqələri qoruyub saxlamaqdır", - deyə şirkətin direktorlar şurasının üzvü Jan Alessandr bildirib.

Xatırladaq ki, dünyanın ən iri neft konsernlərindən olan "Total"ın keçmiş prezidenti Kristof de Marjerinin təyyarəsi Moskvada "Vnukovo" aeroportunda havaya qalxmağa macal tapmamış qəzaya uğrayaraq partlamış və nəticədə prezident və üç nəfər ekipaj üzvü həlak olmuşdu. Hadisə ilə bağlı Rusiyada və Fransada cinayət işi açılıb, istintaq gedir.