Qətərin Neft İxrac Edən Ölkələr Təşkilatına (OPEK) üzvlükdən çıxması təşkilatın işinə təsir etməyəcək.

Axar.az xəbər verir ki, bu barədə OPEK Konfransının Prezidenti, Birləşmiş Ərəb Əmirliklərinin energetika naziri Suhail Məhəmməd Mazrouei deyib.

Xatırladaq ki, ötən gün dünyanın ən böyük mayeləşdirilmiş təbii qaz (LNG) ixracatçısı və gündəlik orta hesabla 650 min barrel neft istehsal edən Qətər 57 ildir üzv olduğu OPEK-dən gələn il yanvarın 1-dən etibarən çıxacağını açıqlayıb. Qətərin Energetika naziri Saad Kaabi ölkəsinin OPEK-ə üzvlükdən çıxmasını texniki və strateji qərar olduğunu bildirib.

15 üzv ölkəsi olan OPEK Səudiyyə Ərəbistanı, İran, Küveyt, İraq və Venesuela tərəfindən 1960-cı ildə yaradılıb.