İranda sabiq kəşfiyyatçını öldürməkdə təqsirli bilinən Reyhanə Cabbarinin edamdan əvvəl son sözləri açıqlanıb.

Axar.az xəbər verir ki, təcavüzlə üzləşdiyi üçün bu addımı atdığını deyən 26 yaşlı qadın anasına bu mesajı göndərib:

"Torpağın altında çürümək istəmirəm. Lütfən, məhkəməyə müraciət et və onlara istəyimi çatdır. Mən asılar-asılmaz ürəyim, böyrəklərim, gözlərim və bağışlana biləcək bütün orqanlarımı bir başqasına köçürün".
Cabbari yazıb ki, orqanlarını bağışlayacağı adamdan nə bir gül, nə də dua gözləyir.

O, Tehran həbsxanalarının birində asılıb. 2007-ci ildə İran kəşfiyyatının əməkdaşı olmuş Murtəza Abdulali Sarbandini qətlə yetirmək ittihamı ilə məhkum olunub.

Tehran məhkəməsində işlə bağlı ölüm cəzası hökmü 2009-cu ildə çıxarılıb. "Amnesty İnternational" istintaq vaxtı yol verilən ciddi pozuntulara görə edamın təxirə salınmasına səsləyib.

Edam hökmü Cabbarinin qohumlarının zərərçəkən ailəsinin əfvini qazana bilmədiyindən sonra icra olunub. Cabbari bıçaq xəsarəti yetirdiyini etiraf etsə də, hadisə vaxtı evdə qətli törədən başqa şəxsin olduğunu iddia edib.