Ermənistanın yeni hökuməti də kriminal avtoritetlərlə əməkdaşlıq etməyə başlayıb.

Axar.az xəbər verir ki, bu məlumatı “Jamanak” qəzeti yayıb.

“Serj Sərkisyanın qardaşı oğlu Narek Sərkisyanın erməni polisinin İnterpol və bir neçə ölkənin hüquq-mühafizə orqanları ilə sıx əməkdaşlığı nəticəsində yaxalanması barədə məlumat yayılmışdı. Bizim məlumatımıza görə isə Narek Sərkisyanın yerini hökumətə kriminal avtoritet Zap ləqəbli Andranik Soqoyan satıb. Soqoyan uzun illər Çexiyada kriminal fəaliyyətlə məşğul olub və bu ölkənin hüquq-mühafizə orqanlarından məhz Ermənistanda gizlənir”, – deyə qəzet bildirib.