"Qərb ölkələrinin yalnız güclü hərbi alyansı Rusiya ilə münasibətlərin yaxşılaşdırılmasına gətirib çıxarda bilər".

Axar.az xəbər verir ki, bunu NATO-nun yeni Baş katibi Yens Stoltenberq söyləyib.

Onun sözlərinə görə, hazırda Rusiya Prezidenti Vladimir Putin Şərqi Avropada demokratiya və sülhün yayılmasının qarşısını alır:

"Rusiya bizim birlikdə həyata keçirdiyimiz inkişafı inkar etmək istəyir. Bu regionda olan alyansın bəzi tərəfdaşları artan təzyiqi hiss edirlər. Onu da qeyd edim ki, NATO Ukrayna münaqişəsinin eskalasiyasında maraqlı deyil. Berlin divarının sökülməsindən 25 il sonra heç kim soyuq müharibəni istəmir".