Almaniya Xarici İşlər Nazirliyi Əsəd rejiminin Suriyada bütün kimyəvi proqramını açıqlamasını və kimyəvi silahlarını beynəlxalq nəzarət altında məhv edilməsini istəyib.

Axar.az xəbər verir ki, Almaniya XİN-nin yaydığı açıqlamada Kimyəvi Silahların Qadağan Edilməsi Təşkilatının 2018-ci ilin aprelin 7-də Şərqi Qutada kimyəvi silahlardan istifadə edildiyini təsdiqləyən sənədlərin olduğu qeyd edilib və bu cür silahlardan istifadə edənlərin kimliyinin təşkilat tərəfindən araşdırıldığı qeyd edilib.

Qeyd edək ki, Kimyəvi Silahların Qadağan Edilməsi Təşkilatı 2018-ci ilin aprelin 7-də Şərqi Qutada kimyəvi silahlardan istifadə edildiyini təsdiqləyən sənədləri ötən gün açıqlayıb. Sənəddə Dəməşq şəhərinin Şərqi Quta bölgəsinin Duma mahalındakı mülki yaşayış məntəqələrinə edilən kimyəvi hücum nəticəsində 78 nəfərin həlak olduğu bildirilib.