NATO-nun Yuqoslaviyaya qarşı aqressiyası alyansın Rusiya sərhədlərinə yaxınlaşmaq istəyi ilə bağlı idi.

Axar.az xəbər verir ki, bunu NTV-də yayımlanan “Atlantika üzərində dönüş” sənədli filminə verdiyi müsahibədə Rusiya Xarici İşlər naziri Sergey Lavrov deyib.

“Bu, Vaşinqtonun Soyuq müharibədə qələbə qazanılması, SSRİ-nin məhvi, Rusiyanın zəif olması barədə qərar verdiyi dövrün başlanğıcı idi. Yuqoslaviya müharibəsi NATO-nun Şərqə, Rusiya sərhədlərinə doğru irəliləməsiylə bağlı idi. Bunda heç bir şübhə yox idi. Son hadisələrin inkişafı da bunu sübut edir. Həmin dövrdə Yuqoslaviyaya sülhməramlıların göndərilməsi imkanları müzakirə edilirdi, amma Qərb, xüsusilə ABŞ bundan imtina edirdi. Onlara Yuqoslaviyanı parçalayacaq situasiya lazım idi. Yuqoslaviya parçalanırdı, amma görünür, bu parçalanma Qərbin istədiyi formada getmirdi. Kosova avantürası məhz buna hədəflənmişdi”, – deyə o bildirib.