Ermənistan hökuməti daxili borclanmasını aktiv şəkildə artırır.

Axar.az xəbər verir ki, bu məlumatı “168 Jam” qəzeti yayıb. Məlumata görə, son 3 ay ərzində ölkənin daxili borclanması 56 milyon dollara qədər artırılıb. Qəzet hələlik ölkənin niyə daxili borclanmanı artırmasına aydınlıq gətirilmədiyini bildirib.

Qeyd edək ki, Ermənistanın hazırda dövlət borcu 6,934 milyard dollardır. Belə ki, cari ilin ilk rübündə İrəvan xarici borclanmasını cəmi 12 milyon dollar artırıb.

Bundan öncə Ermənistan mətbuatı rəsmi İrəvanın il ərzində təxminən yarım milyard xarici borc almağı və dövlət borcunu 7,4 milyarda çatdırmağı planlaşdırdığı barədə məlumat yaymışdı.