Ermənistanın xarici işlər naziri Ararat Mirzoyan və pakistanlı həmkarı İshaq Dar Çində keçirilən ŞƏT sammiti çərçivəsində görüşüb və diplomatik münasibətlər qurmaq qərarını açıqlayıb.

Axar.az xəbər verir ki, bu barədə Ermənistanın Xarici İşlər Nazirliyinin mətbuat xidməti məlumat yayıb.

"Tərəflər Ermənistan və Pakistan arasında diplomatik münasibətlərin qurulması qərarını məmnunluqla qeyd edib və ikitərəfli əməkdaşlığın inkişaf perspektivlərini müzakirə edib. Regional hadisələrə toxunan Ararat Mirzoyan Ermənistanın Cənubi Qafqazda sabit sülhün bərqərar olması istiqamətində səylərini təqdim edib və bu kontekstdə Ermənistan və Azərbaycan arasında sülhün bərqərar olduğunu vurğulayıb",- məlumatda deyilib.