Böyük Britaniya ilə Norveç arasında 10 milyard funt-sterlinq dəyərində yeni saziş imzalanıb.

Axar.az xəbər verir ki, Böyük Britaniya Müdafiə Nazirliyi bu razılaşmanı ölkənin dəyərinə görə indiyədək əldə etdiyi ən böyük hərbi gəmi ixracı adlandırıb. Müqaviləyə əsasən, Böyük Britaniya Norveç donanmasına ən azı beş yeni hərbi gəmi tədarük edəcək.

Rəsmi məlumatlara görə, müqavilə 2030-cu illərin ortalarınadək Böyük Britaniyada 4 min iş yerinin yaradılmasını təmin edəcək.

Eyni zamanda bu layihə Birləşmiş Krallıqda fəaliyyət göstərən 400-dən çox şirkəti, o cümlədən Şotlandiyada yerləşən 103 müəssisəni dəstəkləyəcək.